Lenaneo la
Botswetši
Leina la yo e tlo bago mmagwe ngwana
Lenaneo la Botswetši la GEMS
Bjale ka leloko la GEMS, o tla tsenywa Lenaneong la Botswetši mahala. Lenaneo le le tlhanngwe gore le kgone go go fa thekgo, thuto le maele mo magatong ka moka a botswetši bja gago, go tsenywa bookelong le nakong ya ka morago ga pelego.
Lenaneo la Botswetši le etilwe pele ke baoki bao ba ngwadišitšwego, bao ba nago le maitemogelo bao gape ba nago le dithuto tša tlaleletšo ka ga pelegišo. Basepetšakgetsi ba tla go thuša ka boingwadišo mo Lenaneong la Botswetši mme o ka kgona go ikgokaganya le bona gore o hwetše maele le tshedimošo ye nngwe gape, gomme tše ga o di lefelele. Re go hlohleletša gore o šomiše kholego ye, e makatšago mo nakong ye, e kgethegilego. Mosepetšakgetsi o tla tšwela pele go ikgokaganya le wena ka morago ga gore o tsene bookelong le tswalo ya leseana la gago. Maikemišetšo e le go tšwela pele go go fa maele le tshedimošo mo mathomong a go ba motswadi ga gago.
DIKHOLEGO tša go ba leloko la lenaneo la botswetši
Puku ya GEMS ka ga boimana, tswalo le goba motswadi ge o se na go ingwadiša mo lenaneong la botswetši.
O tla romelwa mokotla wa botswetši mo karolong ya boraro ya botswetši bja gago.
O hwetša ditirelo ka moka tšeo lenaneo la botswetši le fanago ka tšona.
Tshedimošo yeo e tla go kgontšhago go kwešiša dikholego tšeo o di fiwago ke GEMS mo nakong ya botswetši bja gago le ka morago ga pelego ya leseana la gago.
Leano la tlhokomelo leo le tla thušago go bontšha ngaka ya gago gore ke kalafi efe ya maswanedi yeo e hlokegago mo nakong ya ge o le motswetši.
Maele ka ga dikholego tšeo di tla lefelelwago ke GEMS ka nako yeo o lego bookelong ka yona le dikgetho dingwe tšeo o ka bago natšo.
O kgona go hwetša tshedimošo ka ga tlhokomelo ya maphelo yeo e tla go kgontšhago go kgatha tema le mmelegiši goba ngaka ya gago mo go tšeeng diphetho ka ga dikgetho tša boitekanelo goba pelego tša gago.
Tumelelo ya go tsenywa bookelong/lefelong la pelego leo o ikgethelago lona ka bowena.
Maele le thekgo ka mogala ge e le gore go ba le mathatanyana mo dibekeng di se kae tša mathomo tša go ba motswadi ga gago.
Gopola gore HIV e ka fetetšwa go tšwa go mmagwe ngwana go ya go lesea ka nako ya botswetši, tswalo goba nakong ya go antšha.
Go bohlokwa gore o boledišane le ngaka ya gago ka ga diteko tša HIV mathomong a botswetši bja gago. Se se tla netefatša gore go tšewa matsapa a go fokotša kgonagalo ya gore leseana la gago le ka hwetša HIV go tšwa go wena.
Ka ntle ga bookelo Ka bookelong
Maloko a lemogwa go ya ka porofaele ya bona ya dikgopelo gomme GEMS e tla ikgokaganya le bona go netefatša botswetši bja bona.
Bomma bao ba letetšego bana ba ka ingwadiša mo lenaneong ka go ikgokaganya: Mogala: 0860 00 4367, Fekese: 0861 00 4367, Emeile: enquiries@gems.gov.za gomme wa kgopela foromo ya boingwadišo..
Leloko le romela foromo ya boingwadišo yeo e tladitšwego ka botlalo.
Leloko le sekasekwa ke mosepetšakgetsi gomme goba kotsing ga lona go a elwa.
Ditšhalo morago tša kgwedi ka kgwedi/kotara ka kotara di tla dirwa ke mosepetšakgetsi yo a tla fanago ka:
Tshedimošo le tlhahlo mahlakoreng ohle a boimana bja gago, go tsenywa bookelong le nako ya ka morago ga pelego.
Leano la Tlhokomelo leo le kwešišegago bonolo gomme le hlalosa gore ke dikholego dife tša botswetši tšeo o ka di hwetšago le gona gore naa o ka ya go bona ngaka ya gago ga kae.
Puku ya boimana, tswalo le mathomo o a botswadi.
Ge go hlokega gore o tsenywe bookelong:
Leletša go 0860 00 4367 hwetša tumelelopele pele ga ge o ka tsenywa bookelong go belega ngwana goba sefe kapa sefe se se ka dirago gore o tsenywe bookelong sa go sepelelana le botswetši bja gago, se ga se tsenyeletše ditšhoganyetšo.
Ka kgopelo netefatša gore o na le tshedimošo yeo e latelago:
nomoro ya gago ya go ba leloko;
leina la bookelo goba nomoro ya bošomelo bja ngaka;
leina la molwetši;
letšatši la tswalo;
leina goba nomoro ya bošomelo bja ngaka yeo e go phekolago;
temogo/mokgwa wa pelegišo; le palo ya matšatši ao go akantšwego gore o tla a dula bookelong.
Ga go na kholego yeo e tla lefelelwago ge e le gore:
Tumelelopele e be e se ya hwetšwa.
Kgopelo ya tumelelopele e ile ya ganwa.
Leloko le tla ntšhwa lenaneong, mo dibekeng tše tshela ka morago ga gore ngwana a belegwe.
LEMOGA: Maloko ao a šitegago go hwetša tumelelopele ya go tsenywa bookelong goba mo diiring tše 48 ka morago ga gore ba tsene moo, kantle le ge e le gore ke tšhoganyetšo, a tla swanelwa ke go lefelela tefelo-mmogo ya go tsenywa bookelong/phekolo ya R1 000.
BOINGWADIŠO
mo lenaneong la botswetši
LEMOGA: Gore o tle o kgone go ka šomiša dikholego tše go bohlokwa gore o ingwadiše mo lenaneong.
TSHEDIMOŠO yeo e hlokegago gore o kgone go ingwadiša mo lenaneong
Leina le sefane sa Leloko Legolo.
Kgetho ya mo setlamong le nomoro ya go ba leloko.
Leina le sefane ka botlalo tša yoo e tlo bago mmagwe ngwana.
Nomoro ya ID ya yoo e tlo bago mmagwe ngwana.
Letšatši leo le akantšwego la pelego.
Leina, nomoro ya mogala le nomoro ya bošomelo bja ngaka ya yo e tlo bago mmagwe ngwana.
Leina le nomoro ya bošomelo ya bookelo bjoo o tlo tsenywago go bjona nakong ya pelego.
Tshedimošo ya go ikgokaganya ya yoo e tlo bago mmagwe ngwana.
Ge o šetše o ngwadišitšwe mo lenaneong ke mosepetšakgetsi, o tla posetšwa pakana ya tshedimošo. Ka kgopelo tlatša foromo ya boingwadišo.
Sengwalwa sa SETŠHABA
sa ditokelo tša balwetši
Re lebeletše boitekanelo bja gago, GEMS e thekga le go hlohleletša Sengwalwa sa SETŠHABA sa ditokelo tša balwetši, seo se bolelago gore motho yo mongwe le yo mongwe o na le tokelo ya go:
kgatha tema mo go tšeeng diphetho;
o kgona go ka hwetša ditirelo tša tlhokomelo ya maphelo tšeo di fapanego;
o kgona go ka hwetša tshedimošo yeo e amanago le boitekanelo bja gago le melao le dikholego tša inšorentshe/setlamo sa tša kalafi;
kgetho ya bafani ka tirelo ya tša tlhokomelo ya tša maphelo;
a phekolwe ke mofani ka tirelo yo a rutilwego (a na le mangwalo) e bile a ngwadišitšwe;
khupamarama ka nako tšohle;
go fana ka tumelo yeo e bontšhago go ba le tsebo ka ga phekolo;
go ka gana phekolo ya tša kalafi;
go kwa gore na yo mongwe yena o reng;
go tšwela pele ga ditirelo tša tlhokomelo ya maphelo; le go bontšha pelaelo ka ga maemo a tirelo ya tlhokomelo ya maphelo.
TEMA
Go fana ka maele a go swana le a seo o se jago, boitšhidullo, go se iketle gannyane nakong ya boimana, pelegelo gae, go ikoka le go amuša.
Go go fa tsebo ka ga go itlhokomela nakong ya boimana, pelego le ka morago ga pelego.
Ge lesea la gago le ka tsenywa bookelong ka lebaka lefe kapa lefe, mosepetšakgetsi o tla lekola gore naa le ya bjang ka go ikgokaganya le bookelo.
Mosepetšakgetsi gape o tla ba gona go fa wena le leseana la gago thekgo go fihlela a bona ngaka gape ka morago ga pelego.
Mosepetšakgetsi o tla kgona gape go go lebiša ditirelong tša maswanedi go tsenyeletšwa le babelegiši, dingaka, dingaka tša ditsebi, maokelo, mafelo a pelego le dihlopha tša thekgo mo Afrika Borwa.
DINOMORO DINGWE
tša go ba le mohola tša go ikgokaganya
Ge o šetše o ingwadišitše mo lenaneong la botswetši, tlatša tshedimošo yeo e latelago gomme o bee e bolokegile ka ge o tla e hloka ka tše dingwe dinako:
Leina la mmelegiši/ngaka:
Nomoro ya mogala ya mmelegiši/ngaka:
Letšatši la pelego:
Nomoro ya referense ya bookelo:
Nomoro ya mogala ya bookelo:
LENANEO LA BOTSWETŠI LA GEMS
MOGALA 0860 00 4367
FEKESE 0861 00 4367
